Pica dos prados

Onte á tarde tiven un pouco de tempo para ver que se movía pola costa. Os días son moi curtos, e dúas horas escasas non chegan para moito. Pese a todo puiden observar varias cousas interesantes.
De momento ahí van unhas instantáneas dunha Pica dos Prados, Anthus pratensis (Bisbita pratense ou común).

Estas aves habitan no centro e norte de Europa, e pasan os invernos en áreas máis occidentais e na cunca mediterránea.

En Galiza observámolas coma invernantes comúns entre setembro e marzo, aínda que tamén existen citas da súa cría esporádica.

Son máis abondosas canto máis frío sexa o inverno. 

Adoitan verse nos prados abertos, alimentándose entre a herba de insectos, vermes e arácnidos.